വെക്കേഷൻ തിരക്കിലേക്ക് നീങ്ങി ഹമദ് അന്താരാഷ്ട്ര വിമാനത്താവളം; യാത്രക്കാർ ഈ നിർദേശങ്ങൾ പാലിക്കുക

ദോഹ: പുതുവത്സര ക്രിസ്തുമസ് അവധിയോടനുബന്ധിച്ച് യാത്രക്കാരുടെ എണ്ണം കുത്തനെ ഉയരുന്ന സാഹചര്യത്തിൽ യാത്രക്കാർക്ക് നിർദേശവുമായി ഹ​മ​ദ്​ അ​ന്താ​രാ​ഷ്​​ട്ര വി​മാ​ന​ത്താ​വ​ളം. യാത്രക്ക് വിമാന സമയത്തിന് മൂന്ന് മണിക്കൂർ മുൻപെങ്കിലും വിമാനത്താവളത്തിൽ എത്തണം. സെൽഫ് ചെക്ക് ഇൻ സർവീസ് പരമാവധി ഉപയോഗിക്കണമെന്നും അധികൃതർ അറിയിച്ചു. ശൈത്യകാലമായതിനാൽ രാജ്യത്തേക്ക് വരുന്നവരും പോകുന്നവരും വളരെയധികം വർധിക്കുമെന്നാണ് കണക്ക് കൂട്ടൽ.

ജ​നു​വ​രി മൂ​ന്ന്​ വ​രെ ഖ​ത്ത​ർ എ​യ​ർ​വേ​സ്​ യാ​ത്ര​ക്കാ​ർ​ക്ക്​ യാ​ത്ര​ക്ക്​ മു​മ്പ്​ 12 മ​ണി​ക്കൂ​ർ മു​ത​ൽ നാ​ല്​ മ​ണി​ക്കൂ​ർ​വ​രെ സ​മ​യ​ത്തി​നു​ള്ളി​ൽ ഓ​ൺ​ലൈ​ൻ ചെ​ക്​ ഇ​ൻ ചെ​യ്യാ​വു​ന്ന​താ​ണ്. എന്നാൽ അ​മേ​രി​ക്ക, കാ​ന​ഡ ഒ​ഴി​കെ രാ​ജ്യ​ങ്ങ​ളി​ലേ​ക്കു​ള്ളവർക്ക് എല്ലാം ഈ സൗകര്യം ഉപയോഗപ്പെടുത്താം. വിമാ​ന​ത്താ​വ​ള​ത്തി​ൽ സെ​ൽ​ഫ്​ സ​ർ​വി​സ്​ ചെ​ക്​ ഇ​നും ബാ​ഗ്​ ഡ്രോ​പ്​ സൗ​ക​ര്യ​വും ല​ഭ്യ​മാ​വും.

​ഖ​ത്ത​ർ റെ​സി​ഡ​ൻ​റ്​​സി​ന്​ യാ​ത്ര​ക്ക്​ ഇ-​ഗേ​റ്റ്​ ഉ​പ​യോ​ഗി​ച്ച്​ ഇ​മി​ഗ്രേ​ഷ​ൻ എ​ളു​പ്പ​ത്തി​ൽ പൂ​ർ​ത്തി​യാ​ക്കാനുള്ള സൗകര്യവും ഒരുക്കിയിട്ടുണ്ട്. 18 വ​യ​സ്സി​നു മു​ക​ളി​ലു​ള്ള​വ​ർ​ക്കാ​ണ്​ ഇ-​ഗേ​റ്റ്​ സൗ​ക​ര്യം ല​ഭി​ക്കു​ക. യാ​ത്ര​ചെ​യ്യു​ന്ന എ​​യ​ർ​ലൈ​ൻ ക​മ്പ​നി​ക​ൾ നി​ർ​ദേ​ശി​ക്കു​ന്ന പ​രി​ധി​ക്കു​ള്ളി​ൽ മാ​ത്ര​മേ​ ല​ഗേ​ജു​ക​ൾ അനുവദിക്കൂ. നേരത്തെ തന്നെ തൂക്കം പരിശോധിച്ചാൽ വിമാനത്താവളത്തിൽ വെച്ചുള്ള ടെൻഷൻ ഒഴിവാക്കാം. ഇനി തൂക്കാൻ കൂടിയാൽ തന്നെ പേടിക്കേണ്ടതില്ല. പു​റ​പ്പെ​ട​ൽ ടെ​ർ​മി​ന​ലി​ന്​ അ​രി​കി​ലാ​യി ല​ഗേ​ജ്​ റീ​പാ​ക്ക്​ ചെ​യ്യാ​നു​ള്ള സൗ​ക​ര്യ​വും തൂ​ക്ക മെ​ഷീ​നും ഉണ്ടാകും.

ലോകത്തിലെ തന്നെ ഏറ്റവും വി​ശാ​ല​മാ​യ വി​മാ​ന​ത്താ​വ​ളങ്ങളിൽ ഒന്നാണ് ഹ​മ​ദ്​ അ​ന്താ​രാ​ഷ്​​ട്ര വി​മാ​ന​ത്താ​വ​ളം. വിമാനത്താവളം സംബന്ധിച്ച യാ​ത്ര​ക്കാ​ർ​ക്ക്​ വി​വ​ര​ങ്ങ​ൾ ല​ഭ്യ​മാ​ക്കാ​ൻ ഡി​ജി​റ്റ​ൽ കി​യോ​സ്​​കു​ക​ൾ ഒരുക്കിയിട്ടുണ്ട്. വഴി അ​റി​യാ​നും മ​റ്റു വി​വ​ര​ങ്ങ​ൾ​ക്കു​മാ​യി ട​ച്ച്​ സ്ക്രീൻ​ സൗ​ക​ര്യ​മു​ള്ള കി​യോ​സ്​​കു​ക​ൾ ഉപയോഗിക്കാവുന്നതാണ്. 20 ഭാ​ഷ​ക​ളി​ൽ കി​യോ​സ്​​കു​ക​ളിൽ സേവനം ലഭിക്കുമെന്നതിൽ ഭാഷാ പേടിയും വേണ്ട.