പുതുവർഷ സമ്മാനം; ഇന്ധന വില കുറച്ച് യുഎഇ

അബുദാബി: യുഎഇ ഇന്ധന വില കമ്മിറ്റി 2024 ജനുവരി മാസത്തെ പെട്രോൾ, ഡീസൽ വിലകൾ പ്രഖ്യാപിച്ചു. പുതിയ നിരക്കുകൾ ജനുവരി 1 മുതൽ ബാധകമാണ്. 2023 ഡിസംബറിലെ വിലയുമായി താരതമ്യപ്പെടുത്തുമ്പോൾ, ഇന്ധന വില നിരീക്ഷണ സമിതി ജനുവരിയിലെ പെട്രോൾ വില 13 മുതൽ 14 ഫിൽസും ഡീസൽ ലിറ്ററിന് 19 ഫിൽസും കുറച്ചു.
ഡിസംബറിലെ 2.96 ദിർഹവുമായി താരതമ്യപ്പെടുത്തുമ്പോൾ സൂപ്പർ 98 പെട്രോളിന് ലിറ്ററിന് ജനുവരിയിൽ 2.82 ദിർഹം വിലവരും. സ്‌പെഷ്യൽ 95 പെട്രോൾ ലിറ്ററിന് 2.71 ദിർഹമാണ്, കഴിഞ്ഞ മാസം 2.85 ദിർഹം ആയിരുന്നു വില. ഡിസംബറിലെ 2.77 ദിർഹവുമായി താരതമ്യപ്പെടുത്തുമ്പോൾ ഇ-പ്ലസ് 91 പെട്രോളിന് ലിറ്ററിന് 2.64 ദിർഹം വിലവരും. കഴിഞ്ഞ മാസം 3.19 ദിർഹത്തെ അപേക്ഷിച്ച് ഡീസൽ ലിറ്ററിന് 3 ദിർഹം ഈടാക്കും.