ഉക്രൈനു മേല്‍ റഷ്യയുടെ ആക്രമണ സാധ്യത വര്‍ധിക്കുന്നു. റഷ്യന്‍ പ്രസിഡന്റ് വഌദ്മിര്‍ പുടിനുമായി യു.എസ് പ്രസിഡന്റ് ജോ ബൈഡന്‍ ഫോണ്‍വഴി നടത്തിയ ചര്‍ച്ച വിജയം കാണാതായതോടെയാണ് രാജ്യം യുദ്ധ ഭീതിയിലായത്. ഉക്രൈനെ ആക്രമിച്ചാല്‍ കനത്ത വിലനല്‍കേണ്ടിവരുമെന്ന് യു.എസ് റഷ്യക്ക് മുന്നറിയിപ്പ് നല്‍കി.
ഉക്രൈനില്‍ അധിനിവേശത്തിനു ശ്രമിച്ചാല്‍ ശക്തമായി പ്രതികരിക്കുമെന്ന് വൈറ്റ്ഹൗസ് പുറത്തിറക്കിയ വാര്‍ത്താകുറിപ്പില്‍ വ്യക്തമാക്കി. ഉക്രൈനിലെ എംബസിയില്‍നിന്ന് ജീവനക്കാരെ തിരിച്ചുവിളിച്ചതിനു പിന്നാലെയാണ് ബൈഡന്‍ പുടിനുമായി ഫോണില്‍ സംസാരിച്ചത്. ഉക്രൈന്‍ ആക്രമിക്കാന്‍ റഷ്യ നീക്കം നടത്തുന്നതായുള്ള പടിഞ്ഞാറന്‍ രാജ്യങ്ങളുടെ വാദങ്ങളെ പുടിന്‍ തള്ളിക്കളഞ്ഞു. ആഴ്ചകളായി ഉക്രൈന്‍ അതിര്‍ത്തിയില്‍ ലക്ഷക്കണക്കിന് റഷ്യന്‍ സൈനികരാണ് നിലയുറപ്പിച്ചിരിക്കുന്നത്.
Be the first to comment