കൊവിഡ് സ്ഥിരീകരിച്ചവരുടെ എണ്ണം 40,000 ന് ചുവടെ; ചികിത്സയിലുള്ളവരുടെ എണ്ണം അഞ്ചര ലക്ഷത്തില്‍ നിന്ന് താഴ്ന്നു

<p><strong>ന്യൂഡല്‍ഹി:</strong> രാജ്യത്തിന് ആശ്വാസം നല്‍കുന്ന കാര്യമാണ് കൊവിഡ് കണക്കുകളില്‍ നിന്ന് ലഭിക്കുന്നത്. പ്രതിദിന രോഗബാധിതരുടെ എണ്ണം 40,000 താഴെയായി മാറിയിരിക്കുകയാണ്. കഴിഞ്ഞ 24 മണിക്കൂറിനിടെ 38,310 പേര്‍ക്കാണ് കൊവിഡ് സ്ഥിരീകരിച്ചത്. 15 ആഴ്ചയ്ക്കു ശേഷമാണ് ഇത്രയും താഴ്ന്ന നിരക്കില്‍ കൊവിഡ് കണക്കെത്തുന്നത്.</p>
<p>ജൂലൈ 22ന് 37,724 പേര്‍ക്കാണ് കൊവിഡ് ബാധിച്ചത്.</p>
<p>അതേസമയം, ചികിത്സയിലുള്ളവരുടെ എണ്ണത്തിലും കുറവുണ്ടായിട്ടുണ്ട്. ഇപ്പോള്‍ ചികിത്സയിലുള്ളത് 5,41,405 പേരാണ്. മൊത്തം രോഗബാധിതരുടെ 6.55 ശതമാനമാണിത്. രോഗമുക്തി നേടുന്ന നിരക്ക് 91.96 ശതമാനമായി ഉയര്‍ന്നിട്ടുണ്ടെന്നും കേന്ദ്ര ആരോഗ്യ മന്ത്രാലയം വ്യക്തമാക്കി.</p>
<p>74 ശതമാനം പുതിയ കേസുകളും 10 സംസ്ഥാനങ്ങളില്‍ നിന്നും കേന്ദ്രഭരണപ്രദേശങ്ങളില്‍ നിന്നുമാണ്. കേരളം, ഡല്‍ഹി, മഹാരാഷ്ട്ര എന്നീ സംസ്ഥാനങ്ങളാണ് ദിനേന രാജ്യത്ത് ഏറ്റവും കൂടുതല്‍ രോഗികളെ സ്ഥിരീകരിക്കുന്നതെന്നും ആരോഗ്യമന്ത്രാലയം അറിയിച്ചു.</p>