ഗസ്സ സിറ്റി: യഹ്‌യ സിന്‍വാറിന്റെ മരണം സ്ഥിരീകരിച്ച് ഹമാസ്. പുതിയ മേധാവി പ്രഖ്യാപനം ഉടന്‍ ഉണ്ടാകുമെന്നും ഹമാസ് അറിയിച്ചു. കഴിഞ്ഞ ദിവസം റഫയില്‍ നടത്തിയ ആക്രമണത്തില്‍ സിന്‍വാര്‍ കൊല്ലപ്പെട്ടെന്ന് ഇസ്രാഈല്‍ അവകാശവാദം ഉന്നയിച്ചിരുന്നു. സിന്‍വാറിന് പുറമെ മൂന്ന് ഹമാസ് നേതാക്കളും കൊല്ലപ്പെട്ടെന്നും ഇസ്രാഈല്‍ പറഞ്ഞിരുന്നു.
സിന്‍വാറിന്റെ അവസാന നിമിഷങ്ങള്‍ ഡ്രോണ്‍ ഉപയോഗിച്ച് ചിത്രീകരിച്ചെന്നും, ഡി.എന്‍.എ പരിശോധനയില്‍ കൊല്ലപ്പെട്ടത് സിന്‍വാര്‍ തന്നെയാണെന്ന് സ്ഥിരീകരിച്ചെന്നുമാണ് ഇസ്രാഈല്‍ പറഞ്ഞത്.
ഹമാസ് രാഷ്ട്രീയ തലവനായിരുന്ന ഇസ്മാഈല്‍ഹനിയ കൊല്ലപ്പെട്ടതിന് ശേഷമാണ് യഹ്‌യ നേതൃസ്ഥാനത്തേക്ക് എത്തിയത്. കഴിഞ്ഞ വര്‍ഷം ഒക്ടോബര്‍ ഏഴിന് നടത്തിയ ആക്രമണത്തിന്റെ മുഖ്യ സൂത്രധാരന്‍ സിന്‍വാറാണെന്നാണ് ഇസ്രാഈല്‍ പറയുന്നത്. അതിന് ശേഷമുണ്ടായിട്ടുള്ള എല്ലാ ആക്രമണങ്ങളും നേരിട്ട് നയിക്കുന്നത് സിന്‍വാറാണ്.
Be the first to comment