ദുബായ്: വർഷങ്ങളോളം ദുബായിൽ താമസിച്ചതിന് ശേഷം നാട്ടിൽ തിരിച്ചെത്തി ഒരിടവേളക്ക് ശേഷം വിസിറ്റിങ് വിസയിൽ എത്തിയവർക്ക് അവരുടെ യുഎഇ ലൈസൻസ് പുതുക്കാമോ എന്ന സംശയം എന്ന് പലർക്കും ഉണ്ട്. എന്നാൽ ഇക്കാര്യത്തിൽ സംശയം തീർത്തു തരികയാണ് ആശിഷ് മേത്ത ആൻഡ് അസോസിയേറ്റ്സിന്റെ സ്ഥാപകനും മാനേജിംഗ് പാർട്ണറുമായ ആശിഷ് മേത്ത. ഖലീജ് ടൈംസിലാണ് നിരവധി പേരുടെ ഈ സംശയത്തിന് അദ്ദേഹം മറുപടി നൽകിയത്.
നിങ്ങൾ യുഎഇയിൽ താമസിക്കുമ്പോൾ ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റിയാണ് നിങ്ങളുടെ യുഎഇ ഡ്രൈവിംഗ് ലൈസൻസ് അനുവദിച്ച് തരുന്നത്. എന്നാൽ നിയമപ്രകാരം, 21 വയസ്സിന് മുകളിൽ പ്രായമുള്ള ഒരു പ്രവാസിയുടെ കാലഹരണപ്പെട്ട യുഎഇ ഡ്രൈവിംഗ് ലൈസൻസ് പുതുക്കുന്നതിന് വ്യക്തി യുഎഇയിൽ താമസക്കാരനായിരിക്കണം.
മാത്രമല്ല, യുഎഇ ഡ്രൈവിംഗ് ലൈസൻസ് പുതുക്കാൻ അപേക്ഷിക്കുമ്പോൾ ഒരാൾ തന്റെ യഥാർത്ഥ സാധുവായ യുഎഇ റസിഡന്റ് ഐഡന്റിറ്റി കാർഡ്, പ്രാദേശിക അതോറിറ്റി അംഗീകരിച്ച ഒരു സ്ഥാപനത്തിന്റെ നേത്ര പരിശോധന, ആർടിഎയുടെ പ്രസക്തമായ പുതുക്കൽ ഫീസ് എന്നിവ സമർപ്പിക്കണം.
കൂടാതെ, ഒരു വ്യക്തിയുടെ യുഎഇ ഡ്രൈവിംഗ് ലൈസൻസ് പത്ത് വർഷത്തിൽ കൂടുതൽ പുതുക്കിയില്ലെങ്കിൽ, അയാൾക്ക് ഒരു പരിശീലന ഫയൽ തുറക്കുന്നതിന് ഒരു മൂല്യനിർണ്ണയ പരിശോധനയ്ക്ക് വിധേയനാകേണ്ടി വന്നേക്കാം. ഇതോടൊപ്പം അപേക്ഷാ ഫീസ്, ഹാൻഡ്ബുക്ക് മാനുവൽ ഫീസ്, ആർടിഎ ടെസ്റ്റ് ഫീസ്, സമയബന്ധിതമായി ഡ്രൈവിംഗ് ലൈസൻസ് പുതുക്കാത്തതിന്റെ പിഴ, പുതുക്കൽ ഫീസ്, കാലഹരണപ്പെട്ട യുഎഇ ഡ്രൈവിംഗ് ലൈസൻസ് പുതുക്കുന്നതിന് ആർടിഎക്കുള്ള നവീകരണ ഫീസ് എന്നിവ നൽകണം.
എന്നാൽ, താമസക്കാരനല്ലാത്ത ഒരാൾക്ക് ലൈസൻസ് ലഭിക്കില്ല. യുഎഇ റസിഡന്റ് ഐഡന്റിറ്റി കാർഡ് ഇല്ലാതെ അപേക്ഷ സ്വീകരിക്കില്ല. അതേസമയം, വിസിറ്റിങ് വിസയിൽ അല്ലാതെ താമസ വിസയിൽ വന്നവർക്ക് അപേക്ഷ നൽകാം.
ഈ വിഷയത്തിൽ കൂടുതൽ വ്യക്തതകൾക്കായി, നിങ്ങൾക്ക് ആർടിഎയുമായി ബന്ധപ്പെടാവുന്നതാണ്.
Be the first to comment