ബൈറൂത്: തെക്കന്‍ ലബനാന് പുറമേ സെന്‍ട്രല്‍ ബെയ്‌റൂത്തിലേക്ക് കൂടി ആക്രമണം വ്യാപിപ്പിച്ച് ഇസ്‌റാഈല്‍. സെന്‍ട്രല്‍ ബെയ്‌റൂത്തില്‍ നടത്തിയ ആക്രമണത്തില്‍ ഒമ്പത് പേര്‍ കൊല്ലപ്പെട്ടതായാണ് റിപ്പോര്‍ട്ടുകള്‍ പറയുന്നത്.
ഹിസ്ബുല്ല നേതാവായ ഹാശിം സഫീഉദ്ദീനെ ലക്ഷ്യമിട്ടായിരുന്നു ആക്രമണമെന്ന് സി.എന്‍.എന്‍ റിപ്പോര്‍ട്ട് ചെയ്യുന്നു. അതേസമയം, അദ്ദേഹം കൊല്ലപ്പെട്ടോ എന്ന കാര്യത്തില്‍ വ്യക്തതയില്ലെന്നും റിപ്പോര്‍ട്ട് പറയുന്നു. 2006ന് ശേഷം ആദ്യമായാണ് സെന്‍ട്രല്‍ ബെയ്‌റൂത്ത് ഇസ്‌റാഈല്‍ അക്രമിക്കുന്നത്.
പോരാട്ടം ഹിസ്ബുല്ലയും ഇസ്‌റാഈലും തമ്മില്‍ മാത്രമായി ഒതുങ്ങില്ലെന്നും ലബനാന് ഔദ്യോഗിക സൈന്യം കൂടി വലിച്ചിഴക്കപ്പെടുമെന്നുമാണ് നിലവിലെ സാഹചര്യം അടിസ്ഥാനമാക്കിയുള്ള വിലയിരുത്തല്‍. സെന്‍ട്രല്‍ ബൈറൂത്തിലേക്ക് കൂടി ഇസ്‌റാഈല്‍ ആക്രമണം വ്യാപിപ്പിച്ചത് ലബനാന് ഇസ്‌റാഈല്‍ നേരിട്ടുള്ള യുദ്ധത്തിലേക്ക് നയിക്കും. സര്‍ക്കാറിതര സായുധ സംഘമായ ഹിസ്ബുല്ലയുടെ സ്വാധീന മേഖലയായ ദക്ഷിണ ലബനാനിലാണ് ഇതുവരെ കാര്യമായ ആക്രമണം നടന്നിരുന്നത്.
Be the first to comment