ജിദ്ദ: ഇന്ത്യയുള്‍പ്പെടെയുള്ള രാഷ്ട്രങ്ങളിലെ മാന്ദ്യ ഭീഷണിയെ തുടര്‍ന്ന് ആഗോള വിപണിയില്‍ എണ്ണവില വീണ്ടും ഇടിഞ്ഞു. ചൈനയും യു.എസും തമ്മിലുള്ള വ്യാപാരയുദ്ധം വിപണിയില്‍ പ്രതീക്ഷ നഷ്ടപ്പെടുത്തിയതും ഇടിവിന് കാരണമായി. സുപ്രധാന ഇറക്കുമതി രാജ്യങ്ങളിലേക്കുള്ള ഇടിവ് സംബന്ധിച്ചും ഒപെക് രാജ്യങ്ങള്‍ അനൗദ്യോഗിക ചര്‍ച്ചകള്‍ തുടങ്ങിയിട്ടുണ്ട്.
ക്രൂഡ് ഓയില്‍ ഇറക്കുമതിയില്‍ പതിനഞ്ച് ശതമാനം ഇടിവാണ് മൂന്ന് മാസത്തിനിടെ ഇന്ത്യയിലുണ്ടായത്. വാഹന വിപണിയും വിവിധ ഉത്പാദനവും കുത്തനെ കുറഞ്ഞതാണ് പ്രധാന കാരണം. ഒപ്പം യു.എസ് ചൈന വ്യാപാര യുദ്ധം മുറുകി. ഇതോടെ ഏഴ് മാസത്തെ ഏറ്റവും കുറഞ്ഞ നിരക്കിലാണ് എണ്ണ വില. യു.എസ് ചൈന തര്‍ക്കം മുറുകുന്നതിനിടെ ക്രൂഡ് ഓയില്‍ വില വീണ്ടും ഇടിഞ്ഞ് ബാരല്‍ വില 58 ഡോളറായി. യു.എസ് ഓയിലിന് 53.5 ഡോളറും. വിലയിടിവ് പിടിച്ചു നിര്‍ത്താന്‍ വിതരണം കുറക്കുന്നത് സംബന്ധിച്ച് ഉത്പാദക രാഷ്ട്രങ്ങള്‍ക്കിടയില്‍ ചര്‍ച്ച തുടരുകയാണ്. അടുത്ത ഒപെക് യോഗത്തില്‍ വിഷയം ചര്‍ച്ചയാകും
Be the first to comment