തിരുവനന്തപുരം:പിടിതരാതെ കുതിച്ചുയര്ന്നു സ്വര്ണം. ഇന്ന് 1480 രൂപ പവന് വര്ധിച്ചതോടെ സ്വര്ണവില റെക്കോര്ഡിലെത്തി. വിപണിയില് ഒരു പവന് സ്വര്ണത്തിന്റെ വില 69,960 രൂപയായി. പണിക്കൂലിയടക്കം ഒരുപവന്സ്വര്ണം വാങ്ങണമെങ്കില് 75,500 രൂപയ്ക്കു മുകളിലാവും
നാല് ദിവസം കൊണ്ട് ഒരു പവന്സ്വര്ണത്തിന് 2,680 രൂപ കുറഞ്ഞിടത്തു നിന്നാണ് വീണ്ടും ഇന്ന് സ്വര്ണ വില വര്ധിക്കുന്നത്. റെക്കോര്ഡിന് മേല് റെക്കോര്ഡ് സൃഷ്ടിച്ച് 70,000 ത്തിനടുത്തു നില്ക്കുകയാണ്. അന്തര്ദേശീയ വിപണിയില്സ്വര്ണവിലയില് ചാഞ്ചാട്ടം തുടരുന്നതിനിടെയാണ് ഇന്ന് കേരളത്തില് വര്ധന രേഖപ്പെടുത്തിയിരിക്കുന്നത്.
അമേരിക്കന് പ്രസിഡന്റ് ഡൊണാള്ഡ് ട്രംപിന്റെ തീരുവ യുദ്ധമാണ് സ്വര്ണവിലയുടെ കുതിപ്പിന് കളമൊരുക്കിയിരിക്കുന്നത്. കൂടാതെ, വ്യാപാരയുദ്ധത്തോടൊപ്പം ചൈനയുടെ പക്കല് ഉള്ള 760 ബില്യണ് ഡോളര് ട്രഷറി ബോണ്ടുകള് വിറ്റഴിക്കുമെന്ന ഭീഷണിയും സ്വര്ണ്ണവില കുതിക്കുന്നതിന് കാരണമായി. ജപ്പാന് കഴിഞ്ഞാല് യുഎസ് ട്രഷറി ബോണ്ടുകള് ഏറ്റവും കൂടുതലുള്ളത് ചൈനയുടെ കൈവശമാണ്. അന്താരാഷ്ട്ര സ്വര്ണവില 3218 ഡോളറും രൂപയുടെ വിനിമയ നിരക്ക് 86.20 ആണ്.
ഇന്നത്തെ വിലവിവരം നോക്കാം
22കാരറ്റ്
ഒരു ഗ്രാം കൂടിയത് 185 രൂപ, ഗ്രാം വില 8745
പവന് കൂടിയത് 1480 രൂപ, പവന് വില 69,960
24 കാരറ്റ്
ഒരു ഗ്രാം കൂടിയത് 202 രൂപ, ഗ്രാം വില 9,540
പവന് കൂടിയത് 1616 രൂപ, പവന് വില 7,6320
18 കാരറ്റ്
ഒരു ഗ്രാം കൂടിയത് 151 രൂപ, ഗ്രാം വില 7155
പവന് വര്ധന 1208 രൂപ, പവന് വില 57,240
വെള്ളി
ഇന്ന് ഗ്രാമിന് 108 രൂപ വര്ധന. വെള്ളി കിലോ – 108,000
പ്ലാറ്റിനം
ഗ്രാമിന് 2542 രൂപ വര്ധിച്ചു. 10 ഗ്രാമിന് 25,420 രുപ
സാമ്പത്തിക രംഗത്ത് അനിശ്ചിതത്വം തുടരുന്ന സന്ദര്ഭങ്ങളില് സ്വര്ണം ഒരു സുരക്ഷിത ഉറവിടമാകുമെന്ന് നിരീക്ഷകര് വ്യക്തമാക്കുന്നു. അതുകൊണ്ട് തന്നെ സ്വര്ണം എക്കാലത്തും ഒരു ജനപ്രിയ നിക്ഷേപമാണ്. മറ്റു വിപണികളില് നേരിടുന്ന നഷ്ടം നികത്താനും പണം സ്വരൂപിക്കുന്നതിനും നിക്ഷേപകര് ഗണ്യമായ രീതിയില് ഓഹരികള് വില്ക്കുന്ന സാഹചര്യത്തിനും ഇപ്പോള് സാധ്യതയുണ്ട്. സ്വര്ണവില ഉയരാനുള്ള സാധ്യതകളാണ് യഥാര്ഥത്തില് വിപണിയിലുള്ളത്. ട്രംപിന്റെ പുതിയ ചുങ്കപ്പോരിനെ തുടര്ന്നുള്ള ആശങ്കയില് തന്നെ പണം നഷ്ടമാകാതിരിക്കാന് സ്വര്ണം വാങ്ങി സൂക്ഷിക്കുകയാണ് നിക്ഷേപകര് ചെയ്യുക. അതുകൊണ്ടുതന്നെ സ്വര്ണവില ഉയരേണ്ടതാണ്.
സ്വര്ണം മിക്കവരുടെയും ജനപ്രിയ നിക്ഷേപ ഓപ്ഷനായി നിലനില്ക്കുന്നു. ഈ അനിശ്ചിത സമയത്ത് മറ്റ് വിപണികളിലെ നഷ്ടം നികത്തുന്നതിനും പണം സ്വരൂപിക്കുന്നതിനും നിക്ഷേപകര്ക്ക് ഗണ്യമായ നേട്ടങ്ങള് ലഭിക്കുന്ന ആസ്തികള് വില്ക്കാന് തീരുമാനിച്ചേക്കാം.
കേരളത്തില് ഇപ്പോള് വിവാഹ സീസണ് ആണെന്നിരിക്കേ വിവാഹാവശ്യത്തിനും മറ്റും ഉപയോഗിക്കാന് സ്വര്ണം ആഭരണമായാണ് സാധാരണ വാങ്ങിക്കുന്നത്. സ്വര്ണം ആഭരണമായി വാങ്ങുമ്പോള് ഈ വിലയും മതിയാവില്ല. ജി.എസ്.ടി, ഹാള്മാര്ക്കിംഗ് നിരക്കുകള് ഒപ്പം പണിക്കൂലിയും ഒരു ആഭരണത്തിന് മേല് അധികം വരും. പണിക്കൂലിയിലും വ്യത്യാസമുണ്ട്. ഡിസൈന് അനുസരിച്ചാണ് പണിക്കൂലി വരിക. ഡിസൈന് കൂടുന്നതനുസരിച്ച് പണിക്കൂലിയും കൂടും
Be the first to comment